AlbLinux Albanian Linux Portal

Dje, më së fundi, SuSE bëri të njohur datën e lëshimit të versionit të ri 8.1. Ndryshimet dhe të rejat nuk mungojnë. Lajmërimi dhe hollësi të tjera, këtu.

Një virus i ri me emrin Slaper ka filluar të përhapet nëpër rrjet duke shfrytëzuar të gjithë kompjuterët me sistem operativ Linux dhe që përdorin server-in Web Apache me protokollin SSL të aktivuar.

Ka lindur një projekt i ri, i quajtur DebianEdu, që synon të kthejë Debian në shpërndarjen më të mirë Linux për sektorin didaktik. Një iniciativë që mund t'ju japë një ndihmë të madhe të gjithë personave që luftojnë për futjen e software të lirë në shkolla.

M.q.s. mungojnë vetëm disa ditë nga dalja e versionit 9.0 të Linux Mandrake, shpërndarja Linux që po fiton shumë popullaritet kohët e fundit për shkak të lehtësisë në instalim dhe përdorim, kemi gjetur në web disa pamje të kësaj shpërndarje në funksionim e sipër.(9.0RC2)
Albumi mund të vizitohet këtu.

M.q.s. pas pak ditësh pritet dalja publike e versionit të ri 6.0 të portalit open PHP-Nuke, kam shtuar tek zona e downloads përshtatjen në shqip për këtë version të ri. Ju ftoj t'a shkarkoni dhe t'a testoni për të lajmëruar mbi gabimet e mundëshme. Megjithëse FB ka një kopje të pakos, po të nxitoheni, arrijmë t'i dërgojmë pakon e re të korrigjuar (po të ketë nevojë).