AlbLinux Albanian Linux Portal

Lëshohet një tjetër version testimi i Desktop GNOME. Dita e lëshimit të versionit stabël 2.6 Të GNOME po afrohet me shpejtësi.

Ky do të jetë dhe versioni i parë i GNOME që do të jetë i përkthyer 100% në shqip.
Duke përfituar nga koha e mbetur, kërkojmë nga të gjithë ata që përdorin Linux të na ndihmojnë duke testuar GNOME në shqip dhe duke na lajmëruar për gabimet apo pasaktësitë në përkthime.

Së shpejti do të vihet në dispozicion një faqe web me të gjithë files e përshtatjes në shqip për ambientin dhe programet e Desktop GNOME. Gjithashtu do të hapet edhe një forum i veçantë ku mund të njoftohen difektet e ndeshura.

Në vazhdim lajmërimi i plotë:

Lëshohet versioni i ri stabël i kernel linux.

Kujt prej jush nuk i ka qëlluar për një shkak apo një tjetër t'i duhet të reinstalojë nga fillimi komplet sistemin operativ, le të ngrejë dorën :-)

Dhe sa prej jush kanë pasur nevojë të kryejnë backup të krejt hard diskut në CD, apo të komplet pinguinit tonë të dashur, mbasi keni kaluar ditë duke e konfiguruar deri në imtësitë më të vogla, sipas nevojës apo dëshirës?

Përgjigja (jo e vetmja) mund të jetë mkCDrec, një projekt OpenSource, që dallon nga të tjerët për mundësitë e shumta që afron si dhe lehtësinë në përdorim.