GIMP jashtë nga Ubuntu 10.04

Në summit të Ubuntu mbajtur në Dallas, e reja që ka krijuar më shumë habi është vendimi për të hequr Gimp nga instalimi bazë i Ubuntu 10.04 Lucid Lynx.

Shumë përdorues nuk kanë pranuar me kënaqësi dhe bindje këtë vendim, mjafton të ndiqen diskutimet e fundit në forumet Ubuntu në lidhje me Lucid Lynx: pjesa më e madhe e tyre përqëndrohen rreth temës Gimp.

Ky vendim nuk do të thotë që Gimp nuk do të vihet më në dispozicion nga Ubuntu, thjesht kush ka nevojë do t'i duhet ta instalojë mbas instalimit standard të Ubuntu (nga repository universe të Ubuntu).

Arsyet e marrjes së këtij vendimi janë:

• Pjesa më e madhe e përdoruesve nuk e përdorin
• Është një program për përdorim profesional
• Ka një interfaqe të komplikuar përdorimi
• Zë shumë hapësirë në disk
• Për të "luajtur me fotot" mjafton F-Spot

Të reja të tjera nga summit kanë të bëjnë me lojrat. Edhe në këtë kategori mendohet të kryhet një parazgjedhje midis lojrave që do të instalohen së bashku me sistemin bazë (mesa duket, përsëri si bazë kriteri zgjedhje merret gjithmonë hapësira e zënë në disk):

• gBrainy, Sudoku e Solitarie gati me siguri do të jenë të pranishëm
• meta-paketi Gnome Games do të hiqet
• Tetris mund të vazhdojë të jetë i pranishëm
• Mine është tepër i vjetër (është ky termi korrekt!?!) dhe do të hiqet.